Pedaqoji Universitetdə narkomaniyaya qarşı mübarizəyə dair maarifləndirici seminar keçirilib

Pedaqoji Universitetdə narkomaniyaya qarşı mübarizəyə dair maarifləndirici seminar keçirilib Azərbaycan Dövlət Pedaqoji Universitetinin (ADPU) Tələbələrlə iş və ictimaiyyətlə əlaqələr şöbəsinin təşkilatçılığı ilə narkomaniyaya qarşı mübarizəyə dair maarifləndirici seminar keçirilib.
Onlayn seminarda 40-a yaxın tələbə iştirak edib.
Tələbələrlə iş və ictimaiyyətlə əlaqələr şöbəsinin müdiri Turan Kərimli ADPU-da gənclərin zərərli vərdişlərdən qorunması üçün bu yöndə davamlı maarifləndirmə tədbirlərinin keçirildiyini vurğulayıb.
Seminarda Bakı şəhəri, Səbail rayonu 29 nömrəli şəhər poliklinikasının (ADPU-nun tələbə poliklinikası) baş həkimi Şəfəq Teymurova və “Həyat naminə” reabilitasiya mərkəzinin müdir müavini Zaur Əliyev narkomaniyanın fəsadları, ondan qorunma yolları haqqında məlumat verib, tələbələri maraqlandıran sualları cavablandırıblar.

Tehsil-press.az


Oxşar xəbərlər