Dünən axşam saatlarında Rusiya ordusu Ukraynanın Dnepr bölgəsinə raket hücumu həyata keçirib.
Bu haqda Ukrayna Fövqəladə Hallar Nazirliyi açıqlama yayıb.
Açıqlamada hücumda 9 mərtəbəli bir mənzildə ağır dağıntıların olduğu, biri uşaq olmaqla 12 nəfərin öldüyü bildirilib.
Raket hücumu nəticəsində 73 nəfərin yaralandığı, dağıntılar altındakı ərazidə axtarış-xilasetmə işlərinin davam etdiyi qeyd edilib. Yaralanan mülki vətəndaşlardan 14-nün uşaq olduğu paylaşılıb.
Ukrayna Prezidenti Volodimir Zelenski hücumu terror kimi qiymətləndirib.
***
Ukraynanın Dnepr şəhərinə edilən raket hücumunda ölənlərin sayı artıb.
Ukrayna Fövqəladə Hallar Nazirliyinin məlumatına görə, dağılmış hündürmərtəbəli binadan 38 nəfər, o cümlədən 6 uşaq xilas edilib. Dağıntılar altında biri uşaq olmaqla 18 nəfər ölüb, 14-ü uşaq olmaqla 73 nəfər yaralanıb.

Tehsil-press.az