Ümumdünya Səhiyyə Təşkilatının (ÜST) baş direktoru dünya ictimaiyyətini vərəmə qarşı yeni vaksinlərin hazırlanmasını sürətləndirməyə çağırıb.
Davos forumunda çıxış edən Tedros Qebreyesus bunun üçün ayrıca şura yaradılması ilə bağlı planlarını açıqlayıb.
ÜST-nin rəhbəri xatırladıb ki, hazırda mövcud olan vərəm peyvəndi 100 il əvvəl yaradılıb. Onun fikrincə, beynəlxalq ictimaiyyət pandemiyadan dərs almalıdır.
O xatırladıb ki, hazırda 16 peyvənd üzərində iş gedir. “Prosesi hökumətlər, biznes, elm və vətəndaş cəmiyyətinin iştirakı ilə sürətləndirmək olar”, - deyə Qebreyesus bildirib.

Tehsil-press.az