Əsəd martın ortalarında Rusiyaya səfər edəcək

Əsəd martın ortalarında Rusiyaya səfər edəcək Suriya prezidenti Bəşər Əsəd martın ortalarında Moskvaya rəsmi səfərə gələcək.
Bu barədə "Vedomosti" Kremlə yaxın olan diplomatik mənbəyə istinadən məlumat yayıb.
Rusiya liderinin administrasiyasına yaxın olan həmsöhbət qeyd edib ki, Bəşər Əsədin Rusiya prezidenti Vladimir Putin tərəfindən qəbul ediləcəyi gözlənilir. Hələlik bununla bağlı Kremlin mətbuat katibi Dmitri Peskov nəşrin müvafiq sorğusuna cavab verməyib.
Ekspertlərin fikrincə, səfər zamanı humanitar və münasibətlərin nizamlanması məsələləri gündəmdə olacaq. Bundan əlavə, Rusiya beynəlxalq məsələlər Şurasının eksperti Kirill Semenovun fikrincə Əsəd zəlzələ nəticələrini aradan qaldırmaq üçün Rusiyadan kömək istəyəcək.
Semenov, tərəflərin Ukraynadakı müharibə fonunda ikitərəfli münasibətləri də müzakirə edəcəyini söylədi.
Əsəd və Putin arasında danışıqların mərkəzində Dəməşqə humanitar yardım məsələləri olacaq. IMEMO Ras Yaxın Şərq Araşdırmaları Mərkəzinin baş elmi işçisi Nikolay Surkovun sözlərinə görə, iki ölkə liderləri ikitərəfli ticarət və Suriya iqtisadiyyatına investisiyaların cəlb edilməsini müzakirə edə bilərlər. Müzakirə üçün daha bir məsələ Moskvanın vasitəçiliyi ilə Suriya-Türkiyə münasibətlərinin normallaşması olacaq.

Tehsil-press.az

Oxşar xəbərlər