QS dünya universitetlər reytinqi (QS World University Rankings 2024) açıqlanıb. Reytinq sıralamasında Azərbaycan Dövlət İqtisad Universiteti (UNEC) ölkə üzrə birinci olub. UNEC əvvəlki mövqeyini daha da möhkəmləndirərək, ən yaxşı 1001+ universiteti sırasında yer alıb.
2018-ci ildə qəbul edilən “UNEC-100” inkişaf strategiyasına əsasən, universitetin hədəfi 100 illiyində (2030) dünyanın TOP 500 universitetləri sırasına daxil olmaqdır. Bu istiqamətdə qarşıya qoyulan birinci məqsəd UNEC-in QS dünya universitetlər reytinqinə daxil olması idi və universitet ilk dəfə olaraq 2020-ci ildə QS-ə daxil oldu. İkinci məqsəd isə Azərbaycan üzrə QS-də birinci olmaq idi, 2023-cü ildə UNEC ölkə birincisi oldu.

Tehsil-press.az