Güclü yağış İsmayıllıda fəsadlar törədib.
Girdiman çayına gələn sel “Toyota Land Cruiser Prado” markalı maşını aparıb. Hadisə vaxtı avtomobildə olan qadın böyük çətinliklə xilas ola bilib.
Sosial şəbəkələrdə yayılan həmin görüntüləri təqdim edirik:

***

Hadisə bu gün İsmayıllı rayonu ərazisində baş verib. Belə ki, rayonun Yuxarı Zərnava kəndinə qonaq gələn Türkmənistan vətəndaşları olan ər və arvad kəndi tərk etmək üçün çaydan keçməyə cəhd göstəriblər. Yağan yağışlar nəticəsində Girdiman çayında suyun artması nəticəsində avtomobil çayın ortasında qalıb. Köməksiz vəziyyətdə qalan qonaqlar kənd sakinlərinin köməyi nəticəsində avtomobildən çıxarılıb.
Əraziyə Fövqəladə Hallar Nazirliyinin canlı qüvvəsi və texnikası da cəlb edilib. Çay boyunca axan avtomobil batdığı yerdən bir qədər aralıda sudan çıxarılıb.
Avtomobil sel suları nəticəsində qismən zərər görsə də, sürücü və sərnişinlər arasında xəsarət alan olmayıb. Hazırda Zərnava kəndində gedən yolun bərpası üçün ərazidə texnika işləyir.

Tehsil-press.az