Birləşmiş Millətlər Təşkilatının Təhlükəsizlik Şurası Avropa İttifaqının Bosniya və Herseqovinadakı sülhməramlı missiyasının (EUFOR “Althea”) mandatını daha bir il uzadıb.
Bu barədə qərar Birləşmiş Millətlər Təşkilatının Təhlükəsizlik Şurasının (BMT TŞ) Nyu-Yorkda keçirilən sessiyasında qəbul edilib.
Bosniya və Herseqovinadakı EUFOR əsgərlərinin sayının Ukraynadakı müharibədən sonra artırıldığı da vurğulanıb.
1995-ci ildə Bosniya və Herseqovinada “Dayton” sülh sazişinin həyata keçirilməsi vəzifəsi NATO-ya verildikdən sonra regionda əvvəlcə İcra Qüvvəsi (IFOR), daha sonra isə Stabilləşdirmə Qüvvələri (SFOR) xidmət göstərdi.
SFOR 2004-cü ildə Avropa Şurasının qərarı ilə EUFOR ilə əvəz edildikdən sonra BMT TŞ hər il onun səlahiyyət müddəti barədə qərar verir.

Tehsil-press.az