NATO Ukraynada baş verənlərdən dərs alıb, bunun üçün də Bosniya və Herseqovina ilə Gürcüstanda daha çox iş görəcək.
Bu sözləri NATO-nun Baş katibi Yens Stoltenberq alyansa üzv ölkələrin xarici işlər nazirlərinin iclasından əvvəl deyib.
“NATO Ukraynaya daha çox silah göndərəcək. Həmçinin Bosniya və Herseqovina ilə Gürcüstan kimi tərəfdaşlara kömək etməyin yollarını axtaracaq”, - deyə Y.Stoltenberq bildirib.
Avropa İttifaqının xarici siyasət və təhlükəsizlik məsələləri üzrə ali nümayəndəsi Cozef Borel isə Bosniya və Herseqovina liderlərini sülhsevər və firavan ölkə qurmaq üçün barışığa dəvət edib.

Tehsil-press.az