“Kişilər 8 mart - Beynəlxalq Qadınlar Gününü niyə yük kimi qəbul edirlər? Çünki həqiqətən də, 8 mart artıq yükə çevrilib. Əvvəlki on illiklərdə 8 mart bir bayram ab-havası idisə, kişilər xanımlara öz əlləri ilə hədiyyə düzəldirdilərsə, şeir yazırdılarsa, filmə aparır, gül buketi, yanında kiçik hədiyyələr verirdilərsə, xanımlar buna sevinirdilərsə, indi qadınların gözləntiləri bir yana, artıq iş gözləntini çoxdan keçib, birbaşa tələbləri başlayıb. Bu tələblər isə bir tərəfdən maddiyyata bağlıdır, digər tərəfdən də həqiqi mənada ehtiyac duyulmayan, çıxılmaz tələbat sayılmayan tələblərin olduğunu görən kişilər artıq bununla razılaşmaq istəmirlər”.

Bu sözləri tanınmış psixoloq Nizami Orucov deyib.

“Səkkiz mart əvvəllər xudmani qadın bayramı idi, xanımlar sevinirdilər. İndi kişilər qorxa-qorxa ətir alırlar ki, qadın bunu bəyənməyəcək, başqasını istəyirdi. “Görəsən, 100 milliqramlıq alım, ya 50 milli?” Yaxud “robot tozsoran istəyir, "Dyson" feni?” Bunların hamısı aşırı maddi yükə çevrilib. Həm də kişilər bir çox vaxtlarda qadınlardan nə hədiyyə əldə edirlər, nə də verdikləri hədiyyələrin qarşılığında dəyər, hörmət, sevgi - heç nə görmədikləri üçün get-gedə məsələyə kapitalist münasibət kimi baxırlar. Kişi baxır, “qadın mənə nə verdi ki, mən də ona bahalı nəsə hədiyyə edim, dəridən-qabıqdan çıxıb özümü əziyyətə salım?” Növbəti on illikdə bunun problemi başlayacaq”, - o bildirib.

Tehsil-press.az