Türkiyənin Samsun şəhərində qəribə hadisə baş verib.

Tehsil-press.az-n Türkiyə mətbuatına istinadən verdiyi məlumata görə, Atakum vilayətində 21 yaşlı Sevilay K. adlı gənc qız rəfiqələri ilə qayalıqların arasında günəş batarkən “selfie” çəkdirmək istəyib. O, mobil telefonuna zəng gəldiyi üçün bilmədən telefonu əlindən salıb. Sevilay K. qayalıqların arasına düşən telefonunu götürmək istəyərkən orada sıxışıb qalıb.
Qızın iki rəfiqəsi onu xilas edə bilmədiyi üçün polisə xəbər verib. Hadiə yerinə gələn polislər də onu qurtara bilməyib. Bu zaman Fövqəladə Hallardan kömək istəyiblər. 1 saat davam edən xilasetmə işlərindən sonra qızı qurtarmaq mümkün olub.


 
tehsil-press.az