“Hələ 2018-ci ildə mən bildirdim ki, bir və ya iki il ərzində müharibə başlaya bilər və biz bu müharibəni uduza bilərik". Bunu general-mayor Arşak Karapetyan 2020-ci ildəki 44 günlük müharibə ilə bağlı danışarkən deyib.
Onun sözlərinə görə, bu barədə məlumat verilib və müvafiq tədbir görülməsi təklif olunub.
"Tədbirlərdən biri Azərbaycanın müharibə haqqında düşünməsinə belə imkan verməmək idi. Bunun üçün məhz onun qərarı ilə komissiya yaradıldı, ciddi sənəd hazırlandı. Sənəd müzakirə etdikdən sonra qərara gəldilər ki, onlara sabit, güclü Azərbaycan lazımdır və Əliyev bu ölkənin rəhbəri olmalıdır”. - Karapetyan deyib.
Arşak Karapetyan vəziyyətdən çıxış yolu kimi təklif edib ki, Ermənistan danışıqlara yalnız üçüncü ölkənin zəmanəti ilə başlamalıdır: "Bu, Rusiya ola bilər və xarici siyasətdə ilk növbədə bu ölkə ilə münasibətləri bərpa etmək lazımdır".
Tehsil-press.az
