"Mahnı oxumaq – mənim həyatımdır”.

Leninqrad vilayətindən olan 15 yaşlı Azər Nəsibov məşhur oldu – o, “Qolos. Deti” telemüsabiqənin finalına çıxıb. Bəzi skeptiklər iddia edirlər ki, bu müsabiqələrdə olduğu kimi burada da yerlər alınıb və qaliblərin kim olacağı əvvəlcədən bəllidir. Azər Nəsibovun valideynlərinin kiçik meyvə dükanları var və onun “irəliləməsi” üçün onlar heç nə etmək imkanına sahib deyillər.
Azərin anası Abidə Həsənovanın yanına artıq, sadəcə alma və ya pomidor almaq üçün deyil, eləcə də oğlunun televiziyadakı uğuru münasibəti ilə təbrik etmək üçün 20 ildir yaşadığı Syasstroydan gəlirlər.
Uğur isə var, həm də böyük bir uğur – görmədən dinləmə müsabiqəsində Azərin “May be I, may be you” mahnısı münsiflərin hər üçünü – Pelaqeya, Dima Bilan və Leonid Aqutinin ona tərəf çevrilməyə məcbur etdi. Azər xoşbəxtlikdən ağlayırdı, ustad kimi Pelaqeyanı seçdi və yanılmadı, digər on iştirakçını geridə qoyaraq finala çıxdı.
“Mən çəkinirdim ki, Pelaqeya kameralar söndükdə bu qədər mehriban və gülərüz olmayacaq, – Azər Nəsibov etiraf edib. – Amma onunla gülmək də olur, səhvləri çox yumşaq düzəldir, bizimlə onun anası da məşğul olurdu, o daha sərtdir, amma mən ikisini də sevirəm!”
“Qolos. Deti” – Leninqrad vilayətindən olan yeniyetmənin iştirak etdiyi ilk televiziya şousudur, amma buna baxmayaraq, onun hesabında beynəlxalq müsabiqələr də olmaqla bir çox qalib gəldiyi müsabiqələr var.



“Azər oxumağa üç yaşında başlayıb, – anası Abidə “MK” v Pitere” nəşrinə bildirib. – O, cigi flmlərinə baxırdı, oxuyurdu və televizorun qarşısında oxuyurdu. Sentyabrın 1-də məktəbə gedəndə ağlayırdı, çünki adi yox, musiqili məktəbə getmək istəyirdi.
Amma o məktəb uzaqda idi, ora getmək üçün yol keçmək lazım idi, onu tək buraxa bilməzdik, özmüzün isə onu aparmaq imkanımız yox idi”.
Yalnız 11 yaşına çatdıqdan sonra Azər valideynlərini onu musiqli məktəbə vermələri üçün razı saldı. Oğlana qulaq asdıqdan sonra dərhal məktəbə götürüblər, baxmayaraq ki, həmin il şagird qəbulu başa çatmışdı. Və yalnız üç aydan sonra ilk müsabiqəsini qazandı.
Syasstroyda Azər artıq məşhurdur – hamı həmyerlisi ilə fəxr edir, onun “VKontakte”də səhifəsi qızların eşq etirafları ilə doludur. Azər özü uğurunu bir qədər yumorla qəbul edir, amma bu diqqətin ona xoş olduğunu da etiraf edir.
“Əlbəttə, qibtə edən və xoşagəlməz sözlər deyən də var, amma sevinirəm ki, bizim şəhərdə belələri azdır”, – o deyir.
Azər yalnız qonşuları üçün deyil,– çoxu da səhnədə hamının qarşısında azərbaycanlı olduğunu və ən çox sevdiyi müğənninin Müslüm Maqomayevin olduğunu deməsi sayəsində bütün Azərbaycanın da sevimlisinə çevrildi.
“Mən hər şeyə görə valideynlərimə borcluyam, – Azər Nəsibov etiraf edir. – Atam çox işləyir ki, ailənin tələbatını ödəsin. Amma əgər məni hansısa müsabiqəyə aparmaq lazımdırsa, o hər şeyi atır və sükan arxasına keçir. Valideynlərim bilirlər ki, mahnı oxumaq – mənim həyatımdır”.
“Oğlum konservatoriyada oxumaq və müğənni olmaq istəyir, – anası Abidə deyir. – Onun arzusunun həyata keçməsini çox istəyirəm! Böyük qızım Peterburqda tibb fakültəsində oxuyur, onunla da çox fəxr edirəm. Çox istərdim ki, uşaqlarımız bizim kimi ömür boyu meyvə-tərəvəz sataraq əziyyət çəkməsinlər”. 



tehsil-press.az