Təlimlərdə KTMT-nin xüsusi polis, eləcə də xüsusi təyinatlı qüvvələri iştirak edəcək.

Kollektiv Təhlükəsizlik Müqaviləsi Təşkilatı (KTMT) Ermənistanda təlimə başlayır. ANS PRESS-in məlumatına görə, təlimlərə bu gündən start veriləcək.
Ermənistanda hərbi təlimlər başlayıb
Birgə xüsusi - taktiki təlimlər "Kobalt-2016" adı altında keçiriləcək. Təlimlərdə daxili işlər orqanlarının bölmələri və bu təşkilata üzv dövlətlərin polisləri cəlb edilib.
Həmçinin təlimlərə təşkilatın xüsusi təyinatlı qüvvələri də qoşulacaq. Ermənistan Müdafiə Nazirliyinin "Baqramyan" tədris mərkəzində keçiriləcək təlimləri təşkilatın birinci katibi Nikolay Bordyuja da izləyəcək.
Təlimlərin əsas məqsədi daxili qoşunların xüsusi bölmələrinin hərbi qulluqçularının praktik bacarıqlarının təkmilləşdirilməsidir. Həmçinin təlimlər zamanı xüsusi təyinatlıların terrorçu və digər cinayətkar qrupları zərərsizləşdirməsi bacarıqları yoxlanılacaq.

Nikolay Bordyuja - KTMT-nin baş katibi
Yoxlama təlimlərində döyüş və hərbi-nəqliyyat helikopterlərindən istifadə nəzərdə tutulur. Təlimlərdə Ermənistan, Belarus, Qazaxıstan, Qırğızıstan, Rusiya və Tacikistanın daxili qoşunları qüvvələri iştirak edəcək.
Hazırda Ermənistan və təşkilat üzvü dövlətlər bir araya gəlib təlim keçirsələr də rəsmi İrəvan aprelin əvvəlində cəbhədə baş verən gərginliklər zamanı Kollektiv Təhlükəsizlik Müqaviləsi Təşkilatının onlara dəstək verməməsindən şikayətlənirdi.
Ermənistan Azərbaycana görə şikayətləndi
Ermənistanın xarici işlər nazirinin müavini Şavarş Koçaryan jurnalistlərə açıqlamasında demişdi ki, Ermənistan müdafiə məsələlərində Kollektiv Təhlükəsizlik Müqaviləsi Təşkilatına və digər strukturlara deyil, yalnız özünə güvənməlidir. O, müttəfiqlərinin və KTMT ölkələrinin öz öhdəliklərini yerinə yetirməli olduqlarını demişdi.

Təşkilatın ötən il keçirdiyi təlimlər
Onlar hesab edirlər ki, KTMT-yə daxil olan dövlətlərdən Belarus, Qazaxıstan və Rusiya açıq formada bitərəflik nümayiş etdirib. Digərləri isə cəbhədəki gərginliyə münasibət bildirməkdən boyun qaçırdılar.
Hətta Qazaxıstan bəzi hallarda Azərbaycanın mövqeyini müdafiə etdi. Çünki KTMT-nin İrəvanda keçirilməsi planlaşdırılan iclası Qazaxıstanın təklifi ilə təxirə salındı. Rəsmi Astana səbəb kimi isə Dağlıq Qarabağda vəziyyətin gərginləşməsini göstərdi.

Tehsil-press.az