Bakının Ramana qəsəbəsində ətin qiyməti bahalaşıb. Dünəndən etibarən dana, quzu və qoç ətinin qiymətində 2-3 manat fərq müşahidə edilir.

Yeni Ramananın inzibati ərazi bölgüsünə daxil olan “Şuşa” şəhərciyində iki gündür müştərilərə nisbətən baha qiymətə ət təklif olunur. Hazırda şəhərcikdə 1 kiloqram dana əti 17, qoç əti 15.50, quzu əti isə 21 manata satılır. Üç gün əvvəl isə dana ətinin qiyməti 15, bəzi qəssabxanalarda isə 14 manat olub. Quzu ətinin bir kiloqramı isə 18-19 manatdan satılıb.

Qəssablar müxbirimizlə söhbət zamanı ətin qiymətinin artmasını dabaq xəstəliyi ilə bağlı təhlükənin aradan qalxması ilə əlaqələndiriblər. Onların sözlərinə görə, indi insanlar dana əti almağa tərəddüd etmirlər: “Dana ətinə tələbat artıb. Bu isə qiymət artımına səbəb olub”.

Bahalaşmanın digər səbəbi isə Yeni il bayramının yaxınlaşmasıdır. “Bayram ərəfəsində kəndli məhsulunu baha satır. Biz də qiyməti qaldırmağa məcbur oluruq”, – qəssab Teymur Səfərov belə deyib.

***

Paytaxtın bir sıra bazarlarında sümüksüz mal ətinin kiloqramı əvvəlcə 19–20 manat olduğu halda indi təxminən 21–23 manat-a yüksəlib.

Sümüklü mal ətinin kiloqramı isə indi təxminən 19 manat civarındadır.

Qoyun (quzu) ətinin qiyməti də artaraq təxminən 30 manatı keçib bəzi satıcılar üçün.

Bahalaşmanın əsas səbəblərindən biri kimi heyvanlarda yayılan dabaq xəstəliyi göstərilir. Bu xəstəlik heyvan sayını azaldaraq bazarda təklifin azalmasına və qiymətlərin artmasına səbəb olur.

Tehsil-press.az