"Bu münaqişə üçün müxtəlif formatlar mövcuddur"."Dağlıq Qarabağ münaqişəsinin tənzimlənməsi ilə bağlı müvafiq formatlar mövcuddur". Tehsil-press.az-ın məlumatına görə, bunu Rusiya XİN-in rəsmi nümayəndəsi Mariya Zaxarova Krımda keçirdiyi brifinqdə deyib.
O, "Türkiyə ilə Rusiyanın yaxınlaşmanın Qarabağ münaqişəsinin həllinə necə təsir edəcək?" sualına belə cavab verib: "Dağlıq Qarabağ münaqişəsinin tənzimlənməsi ilə bağlı müvafiq formatlar - Minsk qrupu, bizim Ermənistan və Azərbaycanla birbaşa dialoqumuz, Rusiya prezidentinin hər iki ölkə prezidentləri ilə keçirdiyi yüksək səviyyəli görüşlər mövcuddur", - deyə Zaxarova vurğulayıb.
Mariya Zaxarova - Rusiya XİN-in mətbuat xidmətinin başçısı
Mariya Zaxarova keçirdiyi brifinqdə Rusiyanın Xarici İşlər naziri Sergey Lavrovun iyulun 11-12-də Azərbaycana işgüzar səfərə gələcəyini də qeyd edib.
Tehsil-press.az
