Qonağı salamlayan professor Ə.Abdullayev onu universitetdə görməkdən məmnun olduğunu deyib. Universitetin tarixi, beynəlxalq əlaqələri, tədris prosesi haqqında danışan professor ADU-nun nüfuzlu ali təhsil ocağı olduğunu qeyd edib. O, ADU-nun dünyanın bir sıra universitetləri ilə əməkdaşlıq etdiyini bildirib. Ə.Abdullayev Çexiya universitetləri ilə də əməkdaşlığın vacibliyini vurğulayıb.
Səmimi qəbula görə təşəkkür edən Y.Vaşulkova ADU-da olmaqdan məmnunluğunu bildirib. O, Azərbaycana heyran olduğunu və ölkəmizi çox sevdiyini deyib. Təmsil etdiyi ali təhsil müəssisəsi haqqında danışan Y.Vaşulkova onun fəaliyyət istiqamətlərindən söz açıb.
Görüşdə gələcək əməkdaşlıq perspektivləri, müəllim-tələbə mübadiləsi və ikitərəfli əlaqələrin inkişaf etdirilməsi haqqında fikir mübadiləsi aparılıb.
ADU-nun Mətbuat Xidməti

