Azərbaycan Memarlıq və İnşaat Universitetinin (AzMİU) Xidmət sahələrinin iqtisadiyyatı və menecment kafedrasının dosenti, iqtisad üzrə fəlsəfə doktoru Könül Ağayeva İspaniyanın Koruna Universiteti tərəfindən təşkil olunan Beynəlxalq Yay Məktəbində iştirak edib.
K.Ağayeva 42 saatlıq proqramla Koruna Universitetinin İqtisadiyyat fakültəsində “Menecmentin əsasları” fənnini intensiv formada tədris edib, mühazirə və məşğələlərdə Beynəlxlaq Yay Məktəbinin müəllim kollektivi, eləcə də tələbə heyəti ilə birgə diskussiyalar aparıb.
Sonda Beynəlxalq Yay Məktəbində uğurla təmsil olunan K.Ağayeva sertifikatla təltif edilib.

AzMİU-nun Mətbuat Xidməti