Litva hava məkanının pozulmasına görə Belarusa nota göndərib.
Bu barədə Litvanın Xarici İşlər Nazirliyi açıqlama yayıb. Bildirilib ki, Belarus tərəfinə məxsus Mi-24 helikopteri avqustun 23-də saat 18:50 radələrində Medininkai kəndi yaxınlığında Litva sərhədini keçib.
“Onların vertolyotu hava məkanımızı pozdu. Bu gün Belarus səfirinə qətiyyətli etiraz notası göndərildi”, - deyə Xarici İşlər naziri Linas Linkaviçyus bildirib.
Qeyd edək ki, bu gün Belarus Müdafiə Nazirliyi də Litva tərəfdən “səkkiz şar zondu” ilə ölkənin hava məkanını pozma cəhdini qeydə aldığını açıqlamışdı.

Tehsil-press.az