Bu gün futbol üzrə Avropa Liqasında 2020/21 mövsümünün final oyunu keçirilib.
Həlledici oyunda İspaniyanın “Vilyarreal” və İngiltərənin “Mançester Yunayted” komandaları üz-üzə gəlib.
Polşanın Qdansk şəhərində keçirilən qarşılaşmanın əsas hissəsi 1:1 hesabı ilə başa çatıb. Qalibi müəyyənləşdirmək üçün hərəsi 15 dəqiqədən ibarət iki əlavə hissə oynanılsa da, hesab olduğu kimi qalıb. Nəticədə qalib penaltilər seriyasında müəyyənləşib. Burada daha dəqiq oynayan İspaniya təmsilçisi rəqibini 11:10 hesabı ilə məğlub edərək Avroliqanın qalibi olub.
Avropa Liqası
Final
26 may
23:00 Vilyarreal (İspaniya) – Mançester Yunayted (İngiltərə) - 1:1 (Penaltilər - 11:10)
Qollar: G.Moreno, 29 - Kavani, 55
Baş hakim: Kleman Tyürpen (Fransa)

Tehsil-press.az