Mingəçevir Dövlət Universiteti (MDU) və Mingəçevir şəhər Gənclər və İdman İdarəsinin təşkilatçılığı ilə 28 May- Müstəqillik Gününə həsr edilən idman oyunları çərçivəsində mini futbol üzrə oğlanlar arasında şəhər çempionatı keçirilib.
Dörd gün davam edən çempionatda MDU, Mingəçevir Turizm Kolleci, Mingəçevir Tibb Kollecinin tələbələri və Mingəçevir şəhər Uşaq-Gənclər İdman Şahmat Məktəbinin şagirdlərindən ibarət komandalar mübarizə aparıb. MDU-nu təmsil edən mini futbol komandası yarışın qalibi olub.
Qalib komanda üzvlərinin mükafatlandırılması mərasimində çıxış edən Mingəçevir şəhər İcra Hakimiyyətinin başçısı İlham İsmayılov gənclərin idmana, sağlam həyat tərzinə olan marağını yüksək qiymətləndirib, qalib komandanın üzvlərini qələbə münasibətilə təbrik edib.
Sonra qalib komandaların üzvlərinə diplom və kuboklar təqdim olunub.

Tehsil-press.az