ABŞ-nin “Santa Barbara” serialında Lionel Lokric obrazı ilə tanınan aktyor Nikolas Koster 89 yaşında vəfat edib.
Bu barədə instaqramda onun qızı Dinnin Koster məlumat verib.
“Atam, aktyor Nikolas Koster Floridada xəstəxanada öldü”, -deyə Dinnin qeyd edib.
Aktyorun ölüm səbəbi açıqlanmayıb.
Qeyd edək ki, Nikolas Koster Londonda anadan olub, lakin uşaqlığını və gəncliyini ABŞ-də keçirib. Orada o, ilk olaraq aktyorluğun əsaslarını öyrənir, bundan sonra vətənə qayıdır və Kral Dramatik İncəsənət Akademiyasında təhsil almağa başlayır. Filmoqrafiyasında Kosterin 170-ə yaxın rolu var.

Tehsil-press.az