İtaliyanın Baş naziri Ciorcia Meloni Budapeştdə Macarıstanın Baş naziri Viktor Orban ilə ölkələr arasında ikitərəfli əməkdaşlığı müzakirə edib.
Liderlər Avropa və beynəlxalq məsələləri, eləcə də Roma ilə Budapeşt arasında hazırki münasibətləri nəzərdən keçirib, Avropanın üzləşdiyi demoqrafik problem fonunda ailə dəyərlərinin vacibliyini vurğulayıblar.
Macarıstana səfəri çərçivəsində “Budapeşt Demoqrafiya Forumu”nda çıxış edən Ciorcia Meloni immiqrasiyanın İtaliya da daxil olmaqla, Avropanın bir çox ölkəsinin üzləşdiyi demoqrafik tənəzzülün həlli yolu olmadığını bildirib.
O qeyd edib ki, mühacirlər tam inteqrasiya olunduqları zaman öz töhfələrini verə bilərlər. Avropa ölkələri bu kimi böhranların həll yollarının tapılmasında daha çox məsuliyyət daşımalıdırlar. Bu baxımdan ailə dəyərləri və təhlükəsizlik İtaliya hökuməti üçün mütləq prioritet məsələlərdəndir.

Tehsil-press.az