Çində yanacağın topdan və pərakəndə satış qiymətləri yenidən bahalaşıb.
Sentyabrın 21-dən etibarən benzinin bir tonunun qiyməti 385 yuan (təxminən 53,7 ABŞ dolları), dizel yanacağının qiyməti isə 370 yuan (51 dollar) artırılıb. Ölkənin neft emalı və satışı şirkətlərinə yanacağın topdan və pərakəndə satış qiymətlərinin yeni qərara uyğunlaşdırılması tapşırılıb. Komitə yanacağın qiymət artımını dünya bazarında xam neftin qiymətinin dəyişməsi ilə əlaqələndirib.
Qeyd edək ki, Çində qüvvədə olan qiymət mexanizminə əsasən, dünya bazarında neftin qiyməti hər ton üçün 50 yüəndən yuxarı həddə qalxarsa və bu qiymət 10 iş günü ərzində qüvvədə olarsa, Çin hökuməti neft məhsullarının satış qiymətini də müvafiq qaydada artırır.
Çin ABŞ-dan sonra dünyada ən böyük yanacaq istehlakçısıdır.

Tehsil-press.az