Təhsil müəssisəsi ilə valideynlər arasında şagirdlərin nizam-intizam qaydalarına riayət etməsi ilə bağlı müqavilənin bağlanması məqsədə uyğun deyil.

Bu barədə Abşeron-Xızı Regional Təhsil İdarəsindən “Report”un sorğusuna cavab olaraq bildirilib.

Qeyd edək ki, “Report”a müraciət edən vətəndaş Xırdalan şəhəri 1 nömrəli məktəbin şagirdlərin valideynlərinə nizam-intizamla bağlı müqavilənin imzalanmasını təklif etdiyini bildirib.

Valideynlərə təklif olunan müqavilə tipi redaksiyaya təqdim edilib.

İmzalanmaq üçün göndərilən sənəddə o cümlədən deyilir ki, “övladımın dərsə davamiyyətsizliyi və məktəbin nizam-intizam qaydalarına riayət etməməsi halı baş verərsə məktəb rəhbərliyi və pedaqoji şuranın iclası qərarını bir valideyn olaraq qəbul edəcək və etiraz etməyəcəyəm”.

Tehsil-press.az