Xəbər verdiyimiz kimi Əsəd Həsən Əl-Şeybani Suriyanın yeni hökumətində xarici işlər naziri təyin olunub. Eyni zamanda Suriya Milli Ordusunun “Cəbhə Şamiyə” bölməsinin komandiri Əzzam Qarip Hələb şəhərinin valisi olub.

Hər iki şəxs Türkiyə Cümhuriyyətində ali təhsil alıblar.

Məlumata görə, 1987-ci ildə Həsəkədə anadan olan Şeybani ailəsi ilə birlikdə paytaxta köçüb və 2009-cu ildə Dəməşq Universitetinin İncəsənət və Elmlər Fakültəsinin İngilis dili və ədəbiyyatı fakültəsini bitirib.

Şeybani 2022-ci ildə İstanbul Səbahəddin Zaim Universitetinin Siyasi Elm və Beynəlxalq Münasibətlər ixtisasında magistr təhsili alıb. O, 2011-ci ildə Suriyada rejimə qarşı azadlıq tələbi ilə başlayan xalq hərəkatlarında iştirak edərək prosesə cəlb olunub.

Eyni zamanda Hələb valisi təyin edilən Əzzam Qarip 2007-ci ildə Hələb Tibb Fakültəsinin diş həkimliyi ixtisasını bitirib. O, 2019-cu ildə Türkiyənin İnegöl Universitetində ilahiyyat (Təfsir) üzrə magistr dərəcəsi alıb. Qarip 2011-ci ildə inqilabi proseslərə qoşulub.

Tehsil-press.az