Tanınmış jurnalist, Qarabağ qazisi İlham Tumas baş redaktor təyin olunub. İlham Tumas bundan sonra jurnalistlik fəaliyyətini RTV internet telekanalında baş redaktor kimi davam etdirəcək.

Bu barədə kanal rəhbərliyinin məlumatında bildirilib.

İlham Tumas Bakı Dövlət Universitetini bitirib. 1992-1993-cü illərdə könüllü olaraq Qarabağ döyüşlərində iştirak edən jurnalist N saylı hərbi hissənin tərkibində Tərtər və Ağdərədə vuruşub.
1996-2000-ci illərdə zabit kimi N saylı hərbi hissədə tağım komandiri, kadrlar və nizami bölmə rəisinin müavini kimi hərbi xidmət keçib.

Müxtəlif mətbu orqanlarda, o cümlədən, "Avrasiya", "Kino", "Ayna", "Panorama", "Hürriyyət", "Vətəndaş Həmrəyliyi", "Xural", "Ekspress", "24 saat", "Nota Bene" qəzetlərində çalışıb.

Televiziyalarda nümayiş etdirlən bəzi sənədli filmlərin müəllifi, redaktoru olub.

APA TV və İctimai TV-də müəllif-layihəsinin aparıcısı olub./modern.az

Tehsil-press.az