Türkiyənin sevilən aktyoru, Azərbaycan seyrçilərinin də ürəyində taxt qurmuş Oktay Kaynarca maraqlı açıqlamalar verib.

Bu dəfə o, kameralar qarşısına Arnavutköydə yerləşən məşhur “Akıntıburnu” restoranından çıxarkən keçib. Tanınmış aktyor jurnalistlərin suallarını cavablandırarkən həm yeni layihəsindən, həm də şəxsi planlarından söz açıb.

Yeni serialı “Başkan ev hapsi” haqqında danışan Kaynarca bildirib ki, çəkilişlər artıq başa çatıb və tamaşaçılar onu tam fərqli, sürpriz bir obrazda görəcəklər:

“Çəkilişləri tamamladıq. Çox gözəl bir iş oldu. Məni tamamilə fərqli, gözlənilməz bir obrazda izləyəcəksiniz.”

“İstənilən an maşına atılıb yola çıxa bilərəm”

Jurnalistlərin bayram planları ilə bağlı suallarına cavabında aktyor bildirib ki, hələ konkret planı olmasa da, ani qərarla şəhərdən çıxmaq ehtimalı yüksəkdir:

“Hər an maşına atlayıb bir yerlərə gedə bilərəm. İstanbul bayramda da gözəl olur, amma hələ dəqiq qərar verməmişəm.”

Kaynarca yay tətili ilə bağlı da hələlik plan qurmadığını, bunun iş görüşmələrindən asılı olacağını qeyd edib:

“Yayda iş görüşmələrimiz ola bilər. Ona görə də dəqiq bir planım yoxdur.”

Oktay Kaynarcanın bu açıqlamaları həm sənət fəaliyyətinə, həm də şəxsi həyatına dair qeyri-rəsmi, səmimi baxış bucağı təqdim edib.

Məşhur aktyorun yeni layihəsi “Başkan ev hapsi” serialı yaxın vaxtlarda ekranlarda olacaq və Türkiyə ilə yanaşı Azərbaycan tamaşaçılarının da marağına səbəb ola bilər.

Tehsil-press.az