Ölkədə ikidilli və çoxdilli təhsil konsepsiyası, bu təlim modellərinin standartlaşdırılması, əcnəbi dillərin tədrisi strategiyası, bütün təhsil pillə və səviyyələrində onların tədris qrafiki, optimal tədris planları yaradılmasa, hər şey baş-ayaq olaraq qalacaq.

Bunu filologiya elmləri doktoru, professor, təhsil üzrə ekspert Telman Cəfərov deyib.

Cəfərov bildirib ki, problem həllini tapmayanadək şagird də, tələbə də, doktorant da xarici dili kurslarında və ya repetitor yanında öyrənməyə məcbur olacaq. “Bəli, belədə istənilən vaxt istənilən vətəndaş istənilən tədris müəssisəmizi məhkəməyə verə bilər.

Xüsusilə universitetləri. Çünki burada adambaşına maliyyələşmə var. Tələbə bir şey öyrənmirsə, tədris ilindən-tədris ilinə adlayırsa, bu, təkcə onun problemi deyil, həm də onu qiymətləndirib məzun kimi buraxan ali təhsil ocağının problemidir”, - o qeyd edib.

Tehsil-press.az