Bakı Dövlət Universitetinin (BDU) komandası 13-15 iyun tarixlərində Gənclər və İdman Nazirliyi, Gənclər Fondu və Azərbaycan Tələbə Gənclər Təşkilatları İttifaqının dəstəyi, “Enactus Azərbaycan”ın təşkilatçılığı ilə keçirilən “Enactus Çempionlar Liqası Simulyasiya Düşərgəsi” çərçivəsindəki yarışda yüksək nəticə göstərib.

Belə ki, BDU-nun “Enactus” komandası 18 ali təhsil müəssisəsinin komandaları arasında II yerə layiq görülərək, “Enactus Azərbaycan” Milli Yarışına vəsiqə qazanıb.

Qeyd edək ki, “Enactus” proqramının əsası 1975-ci ildə ABŞ-də qoyulub. Bu beynəlxalq platforma biznesin müsbət gücündən istifadə edərək, daha yaxşı və davamlı gələcək qurmağa çalışan tələbələri, akademikləri və biznes liderlərini bir araya gətirir. “Enactus” dünyanın 35-dən çox ölkəsində fəaliyyət göstərən geniş və fəal qlobal şəbəkədir.

Tehsil-press.az