Hərbi təlimlərdə 20 gəmi və bir neçə təyyarə iştirak edib.

Rusiya Xəzərdə 20 gəmi və aviasiyanın iştirakı ilə müdafiə təlimi keçirib. ANS PRESS-in məlumatına görə, təlimlərdə "Tatarıstan" və "Dağıstan" raket gəmiləri, "Mahaçkala", "Astraxan" və digər kiçik raket və artilleriya gəmiləri, həmçinin iki "Su-24", "Su-25" təyyarələri iştirak edib.
Təlimlərin keçirilməsi barədə cənub hərbi dairəsinin mətbuat xidməti xəbər yayıb.
Hərbi dəniz təlimləri zamanı şərti düşmən aviasiyasına zərbələr endirilib. Gəmilərin Hava Hücumundan Müdafiə sistemlərinin İdarə mərkəzindən siqnal əsasında şərti hədəfləri tapıblar. Daha sonra həmin hədəflər artilleriya zərbələri vasitəsilə məhv ediliblər. Həmçinin qırıcı təyyarələr yerə çox yaxın məsafədən uçuşlar həyata keçiriblər.
Bundan başqa, təlimlərin gedişatında hərbi qulluqçular idarəetmənin təşkili məsələlərinin yerinə yetirilməsini həyata keçiriblər.





Rusiya Xəzər dənizində təlimlərə iyunun 1-dən hazırlaşırdı. Rusiya sonuncu dəfə Xəzər dənizində mart ayında təlimlər keçirib. Təlimlərdə təxminən 30 hərbi gəmi, kater və Rusiya Xəzər donanmasının gəmiləri təyinat üzrə vəzifələri yerinə yetiriblər.

Tehsil-press.az