Azərbaycan Milli Elmlər Akademiyasının (AMEA) Milli Azərbaycan Tarixi Muzeyində Cəbrayıl rayonunun Cocuq Mərcanlı kənd tam orta məktəbinin şagirdləri üçün “Azərbaycan etnoqrafiyası” mövzusunda “açıq dərs” keçirilib.
Bu barədə tehsil-press.az-a muzeydən məlumat verilib. Muzeyin etnoqrafiya elmi fond şöbəsinin müdiri Gülzadə Abdulova şagirdlərə burada mühafizə olunan əsərlər və Azərbaycan etnoqrafiyası barədə məlumat verib. Sonra məktəblilər muzeyin ekspozisiya zalları ilə tanış olublar.
Tədbir Bakı Şəhəri üzrə Təhsil İdarəsinin tabeliyindəki ümumi təhsil məktəblərində “Ekoloji aylıqlar” layihəsi çərçivəsində təşkil olunub.



Tehsil-press.az