Azərbaycanın icazəsi olmadan Avropa Parlamentinin (AP) Dağlıq Qarabağa səfər edən üzvləri AP adından çıxış etmirlər.

Tehsil-press.az-n məlumatına görə, bunu Azərbaycanda səfərdə olan Avropa Parlamentinin Xarici Əlaqələr Komitəsinin yeni sədri, Avropa Xalq Partiyasının Almaniyadan olan deputatı Devid MakAlister Milli Məclisdə jurnalistlərə deyib. O qeyd edib ki, Azərbaycanın icazəsi olmadan Dağlıq Qarabağa səfər etmək AP nümayəndələrinin öz təşəbbüsüdür:
“Yəni, səfər Avropa Parlamentinin adından olmayıb, onlar Avropa Parlamentinin adından çıxış etməyib, bəyanat verməyiblər. Bilirsiniz ki, Avropa Parlamenti Dağlıq Qarabağda fevralın 20-də keçirilən referendumu tanımayıb. Eyni zamanda deməliyəm ki, bizdə ifadə azadlığı ciddi önəm daşıyır. Hər kəs öz müstəqil fikrini və addımını ifadə edə bilər. Bu baxımdan, o parlamentarilərin şəxsi səfərlərinə qarışa bilmərik”.

Tehsil-press.az