Azərbaycan Beynəlxalq Bankının (ABB) xarici öhdəliklərinin yenidən strukturlaşdırılması onun sağlamlaşdırılmasına xidmət edəcək.
Tehsil-press.az-n məlumatına görə, bunu “İqtisadi islahatlar: nəticələr və məsləhətlər” mövzusunda keçirilən konfrans zamanı Maliyyə Bazarlarına Nəzarət Palatasının Direktorlar Şurasının sədri Rüfət Aslanlı deyib.
O deyib: “ABB-nin xarici öhdəliklərinin yenidən strukturlaşdırılması, uğurla başa çatacağı təqdirdə bankın sağlamlaşdırılmasına, kifayət qədər likvidliyin təmin olunmasına və aktivlərin idarə olunmasından əldə olunan gəlirlərlə öhdəliklərin icra olunması üzrə xərclərin ödənməsini gətirib çıxaracaq”.
Onun sözlərinə görə, bu, bankın özəlləşdirilməsi prosesini başlamağa və onun bazar dəyərini yüksəltməyə imkan verəcək.

Tehsil-press.az