Sabirabad rayonunda ağır yol qəzası baş verib. Hadisə rayonun Xəlifəli kəndi ərazisində qeydə alınıb.
İlkin məlumata görə, “Mercedes” markalı “50 DF 624” dövlət nömrə nişanlı minik avtomobili ilə “KamAZ” markalı “30 BF 414” dövlət nömrə nişanlı yük maşınının toqquşması nəticəsində 3 nəfər ölüb, 2 nəfər xəsarət alıb. Yaralılar Şirvan şəhər xəstəxanasının reanimasiya şöbəsinə yerləşdirilib.
Ölən və yaralıların şəxsiyyətləri, həmçinin qəzanın təfərrüatları müəyyənləşdirilir.
***
Sabirabadda yol qəzasında ölənlərin sayı 4-ə çatıb.
Qəzada xəsarət alan 21 yaşlı Eyvazlı Etibar Məzahir oğlu xəstəxanada dünyasını dəyişib. Digər xəsarət alan şəxs 22 yaşlı Xənimli Araz Mehdi oğluna həkimlər tibbi yardım göstərirlər. Məlumata görə, qəza dumanlı hava səbəbindən baş verib. Avtomobillərin toqquşması nəticəsində hadisə yerində ölən üç nəfərin meyiti FHN-nin xilasediciləri tərəfindən çıxarılıb.
***
Qəza zamanı "Mercedes" in sürücüsü, Füzuli rayon sakini, 1981-ci il təvəllüdlü Mustafayev Fərman Telman oğlu, 1996-cı il təvəllüdlü Quluzadə Elsevər Bəxtiyar oğlu, 1997-ci il təvəllüdlü Rəsulzadə Səxavət Əhməd oğlu həlak olub.
***
Həlak olanların üçü və bir yaralı Füzuli rayonunun Araz Dilağarda kəndinin, sürücü isə Bala Bəhmənli kəndinin sakini olub.

Tehsil-press.az