Azərbaycan Tibb Universitetinin (ATU) Tədris Cərrahiyyə Klinikasında 50 yaşlı qadın üzərində uğurlu böyrək köçürülməsi əməliyyatı aparılıb.
Klinikanın transplantologiya şöbəsinin müdiri, tibb üzrə fəlsəfə doktoru Anar Namazovun verdiyi məlumata görə, xanım böyrək folikistozu irsi xəstəliyi ilə əlaqədar müraciət edib: “Xəstənin mənsub olduğu nəsildə dializ xəstəsi olan bir neçə nəfər var. Qadın isə il yarımdır ki, dializ xəstəsi idi. Ona yaxın qohumundan böyrək köçürülməsinə dair qərar verildi. Aparılan hərtərəfli müayinələrdən sonra orqanın toxuma uyğunluğu təsdiqləndi”.
Transplantasiya əməliyyatı 5 saata yaxın davam edib. Əməliyyatdan 3 gün sonra donor, 1 həftə sonra isə böyrək köçürülən qadın evə yazılıb.

ATU-nun Mətbuat Xidməti