“Təəssüf ki, Rusiya və Çin öz maraqlarını irəli aparmaq üçün unikal vəziyyətdən istifadə edir”.
Bu barədə ABŞ-ın Müdafiə naziri Mark Esper açıqlama verib.
“Rusiya İtaliyaya tibbi yardım göstərdi, lakin sonra dezinformasiya kampaniyası ilə İtaliya və müttəfiqləri arasında nifaq salmaq üçün bundan istifadə etməyə başladı”,- deyə o, sözlərinə əlavə edib.
Esper, həmçinin Pentaqonun koronavirus epidemiyası ilə mübarizədə İtaliyaya kömək edəcəyini bildirib.
Qeyd edək ki, bu yaxınlarda İtaliya hökuməti göstərdikləri kömək üçün Rusiya Federasiyasına təşəkkür etmişdi. Daha əvvəl isə Rusiya və dünya mətbuatında müxtəlif ölkələrin İtaliyaya göndərdiyi tibbi yardımlara digər Avropa Birliyi ölkələri tərəfindən əl qoyulduğuna dair xəbərlər yayılmışdı.

Tehsil-press.az