Bakı Dövlət Universitetinin Kitabxanaçılıq-informasiya fakültəsinin dosenti, filologiya üzrə fəlsəfə doktoru Ələmdar Cabbarlı Türkiyənin Ufuk Universitetinin təşkilatçılığı ilə keçirilən Beynəlxalq Sosial Elmlər Konfransında filologiya və ədəbiyyat bölməsinin iclasına sədrlik edib.
Ələmdar Cabbarlı iclası açaraq öncə Vətən müharibəsində Azərbaycanın qazandığı parlaq Qələbədən bəhs edib. O, ümummilli lider Heydər Əliyevin “Biz bir millət, iki dövlətik” kəlamını xatırladaraq, Vətən müharibəsində qardaş Türkiyənin Azərbaycana verdiyi mənəvi və siyasi dəstəkdən danışıb.
Sonra konfransın bölmə iclasında məruzələr dinlənilib və müzakirələr aparılıb. Ələmdar Cabbarlı beynəlxalq elmi konfransda “Bəxtiyar Vahabzadənin yaradıcılığında türk mədəniyyətinə və irsinə bağlılıq” mövzusunda məruzə ilə çıxış edib.

Tehsil-press.az