SSRİ-nin saxlanılması üçün son cəhdlərin uğursuzluğa düçar olmasına görə məsuliyyəti rusiyalı siyasətçilər, xüsusilə də Boris Yeltsin daşıyır.
Bunu SSRİ-nin son prezidenti Mixail Qorbaçovun tərəfdarı, SSRİ-nin xalq deputatı Viktor Mironenko deyib. Bununla belə o, Ukraynanın o zamankı rəhbəri Leonid Kravçukun da günahkarlar arasında olduğunu bildirib. Onun sözlərinə görə, QKÇP olmazdan az öncə Kravçuk Qorbaçova yeni müttəfiqlik müqaviləsini imzalamayacağını, çünki Ukrayna Ali Şurasının payıza qədər bunu etməyəcəyi ilə bağlı qərar qəbul etdiyini deyib:
“Yəni o zamana qədər Yeltsinlə Kravçuk arasında razılaşma artıq mövcud idi, Qorbaçov bunu başa düşürdü. Faktiki olaraq Kravçukun bu addımı 1991-ci ilin sonunda baş verən fəlakəti müəyyən etdi.

Tehsil-press.az