Bakı Dövlət Universiteti (BDU) ilə Almaniyanın Berlin Humboltd Universiteti arasında Erasmus mübadilə protokolu imzalanıb.
Sənədi BDU-nun Beynəlxalq əlaqələr şöbəsinin müdiri Rauf Həsənov və Berlin Humboldt Universitetinin Erasmus layihə koordinatoru İohann Komolle imzalayıblar.
Müqavilə çərçivəsində bakalavr, magistrant, tədqiqatçıların və akademik heyətin mübadiləsi nəzərdə tutulur.
Əsası 1810-cu ildə qoyulmuş Berlin Humbolt Universiteti Almaniyanın nüfuzlu universitetlərindən biridir. Universitetdə 9 fakültədə müxtəlif ixtisaslar üzrə kadr hazırlığı həyata keçirilir. Berlin Humbolt Universiteti QS WUR reytinqində 128-ci pillədədir.

Tehsil-press.az