Koreyanın Kyunggi-Do əyalətində yerləşən Dünya Musiqi Alətləri Muzeyinin direktoru Yong Cin Li və kuratoru Yonsun Han AMEA-nın Milli Azərbaycan Tarixi Muzeyində olublar.
Görüş zamanı Yong Cin Li muzeyin zəngin kolleksiyası arasında Qarabağa məxsus musiqi alətləri ilə tanış olmaq arzusunu bildirib. Qonaqlar dünyaca məşhur muğam sənətimizin korifeylərindən Cabbar Qaryağdıoğlunun və Xan Şuşinskinin qavalları, maestro Niyazinin tarı və digər şəxsi əşyaları, Zülfüqar Hacıbəyovun kamançası və tarı, həmçinin Qarabağda hazırlanmış tarbəndlik sənətinin misilsiz nümunələri ilə tanış olublar.
Sonra Hacı Zeynalabdin Tağıyevin ev-muzeyi və muzeydə nümayiş olunan “Nizami Gəncəvi və Azərbaycan Atabəyləri dövləti” adlı sərgi ziyarət edilib.

Tehsil-press.az