Azərbaycanlı alim Kubanın nüfuzlu jurnalının redaksiya heyətinə qəbul edilib

Azərbaycanlı alim Kubanın nüfuzlu jurnalının redaksiya heyətinə qəbul edilib AMEA-nın Elm Tarixi İnstitutunun elmi katibi siyasi elmlər üzrə fəlsəfə doktoru, dosent Zaur Əliyev Kuba Respublikasının “Web of Science” və “Scopus”da qeydiyyatda olan “La Revista “Universidad y Sociedad” jurnalının redaksiya heyətinə qəbul edilib.
Dünyada A kateqoriya siyahısında olan jurnalın redaksiya heyətinə Kubanın məşhur universitetinin rektoru və kollektivi tərəfindən seçilən alim belə nüfuzlu redaksiyada təmsil olunan ilk və yeganə azərbaycanlıdır.
Qeyd edək ki, multidisiplinar olan “La Revista “Universidad y Sociedad” dünyanın bir çox ölkələrindən alimlərin məqalələrinin dərc edildiyi jurnaldır. Azərbaycanlı alimin ilk dəfə belə nüfuzlu jurnalda redaksiya heyətində təmsil olunması onun Asiya üzrə məqalələrə məsul olması deməkdir.

Tehsil-press.az



Oxşar xəbərlər