Gürcüstanın sabiq prezidenti Mixail Saakaşvili son bir neçə aydır yatdığı “Vivamedi” xəstəxanasında palatadan reanimasiyaya köçürülüb.
Onunla yaxın münasibətdə olan Ukrayna Ali Radasının deputatı Yelizaveta Yasko yanvarın 31-də “Facebook” sosial şəbəkəsində Saakaşvilinin vəziyyətinin ağır olduğunu yazıb.
Sabiq dövlət başçısının vəziyyətinin ağırlaşdığı üçün reanimasiyaya köçürülməsi faktını onun vəkili Şalva Xaçapuridze də təsdiqləyib.
Lakin “Vivamedi” klinikası Saakaşvilinin hələ də palatada olduğunu iddia edir. Klinikanın direktoru Nino Nadiradze “O, köçürülməyib, palatadadır” deyə bildirib. Eks-prezidentin anası Qiuli Alasania isə oğlunun hələ səhər saatlarında huşunu itirdiyini və hərarətinin olduğunu barədə məlumat verib.

Tehsil-press.az