Azərbaycan Memarlıq və İnşaat Universitetinin (AzMİU) əməkdaşları “Kainat” Tədris Mərkəzinin Zaqatala filialının təşkilatçılığı ilə Zaqataladan olan abituriyentlərlə görüşüblər.
Tədbirdə “Kainat” Tədris Mərkəzinin rəhbəri İlqar Ağakişiyev, Şəki-Zaqatala Regional Təhsil Şöbəsinin nümayəndələri, AzMİU-nun Abituriyent Məsləhət Mərkəzinin əməkdaşları Aynurə Bayramova və Rəna Cəbrayılova, Zaqatala filialının abituriyentləri və bölgə məktəbliləri iştirak ediblər.
Görüşdə AzMİU-nun tanıtımı həyata keçirilib. Bölgə məktəblilərinə universitetin maddi-texniki bazası, ixtisasları, beynəlxalq əlaqələri, ikili diplom layihələri, tələbə həyatından danışılıb, bukletlər paylanılıb.
AzMİU haqqında geniş məlumatlandırmadan sonra abituriyentləri maraqlandıran suallar cavablandırılıb.

Tehsil-press.az