“Rossotrudniçestvo”, Rusiya Federasiyasının Azərbaycan Respublikasındakı səfirliyi, Rus Dili və Ədəbiyyatı Müəllimləri Beynəlxalq Assosiasiyası (RDƏMBA), Azərbaycanın Rusdilli Tədris Müəssisələrinin Müəllimləri Assosiasiyası, Azərbaycanın Rus İcmasının dəstəyi ilə təşkil olunan Rus humanitar missiyasının “Azərbaycanda rus dili – yeni üfüqlər” beynəlxalq müsabiqəsinin qaliblərinin Moskvaya səfəri başa çatıb.
Azərbaycanlı müəllimlərin Moskvada keçirdiyi son iki gün əvvəlki günlər kimi çox səmərəli keçib. Müəllimlər müasir Moskvanın tam mərkəzində yerləşən canlı keçmişin guşəsi olan Preçistenkadakı L.N.Tolstoy adına Dövlət Muzeyində olublar. Daha sonra müəllimlər Rusiyanın əsas təsviri sənət xəzinələri olan A.S.Puşkin adına Dövlət Təsviri Sənət Muzeyi və Tretyakov qalereyasını ziyarət ediblər. Volxovkada daimi ekspozisiya: qədim heykəllərin surətləri, qədim Misir və Romadan olan əşyalarla tanış olublar, qədim məbədi xatırladan muzey binasından zövq alıblar. Lavruşinski döngəsində nəqqaşlıq sənətinin şah əsərləri ilə tanışlıqla yanaşı, qonaqları əvəzsiz kolleksiyasını Moskvaya bəxş edən qalereyanın təşkilatçısı, məşhur kolleksiyaçı və xeyriyyəçi Pavel Tretyakov haqqında maraqlı bir hekayə gözləyirdi.
Müəllimlərin Rusiya paytaxtındakı son günü birbaşa və məcazi mənada yüksək səviyyədə keçib: qrup 89-cu mərtəbənin hündürlüyündən şəhərin heyrətamiz mənzərələri açıldığı Moskva-Sitidəki Federasiya Qülləsinin müşahidə göyərtəsini, sonra isə məşhur Moskva Zooparkını ziyarət edib.
“Azərbaycanda rus dili – yeni üfüqlər” müsabiqəsinin on qalibi üçün əsas mükafat olan Moskva səfəri fevralda start verilən tədbiri layiqli başa çatdırıb.

Tehsil-press.az