Mərakeşdə sentyabrın 8-nə keçən gecə baş verən zəlzələdə həyatını itirənlərin sayının 2 min 960-a yüksəldiyi açıqlanıb.
Bu haqda Mərakeş hökumətinin sözçüsü Mustafa Baytaş Nazirlər Kabinetinin iclasından sonra mətbuata açıqlamasında danışıb.
Nazir ərazidə işlərin davam etdiyi bir vaxtda dağılmış evlərin sayılması prosesinin müxtəlif maraqlı tərəflər arasında koordinasiya əsasında aparıldığını qeyd edib.
O, hökumətin zərər çəkmiş evlərin hesablanmasını gələn ayın sonuna qədər başa çatdıracağına ümid etdiyini bildirib.
Xatırladaq ki, Mərakeşin Əl-Huz bölgəsində 7 bal gücündə zəlzələ baş verib.

Tehsil-press.az