Odessanın qubernatoru Mixail Saakaşvili Ukrayna prezidenti Pyotr Poroşenkoya vilayətə Milli qvardiya göndərməsi üçün müraciət edib.

O bununla bağlı Facebook-da videomüraciət yayıb. Saakaşvili bəyan edib ki, yerli Ukrayna Təhlükəsizlik Xidməti yalnız bir işlə - islahatçılar komandasını izləməklə məşğuldur. O qeyd edib ki, Ukraynada dövlətin çökməsinin bütün əlamətləri görünür. Saakaşvili bu bəyanatı ilə Odessanın siyasi həyatındakı son hadisələri, o cümlədən şəhər hakimyyəti tərəfdarları ilə əleyhdarlarının meriya binası qarşısındakı qarşıdurmasını nümunə gətirib.
“Bir daha Ukrayna prezidentinə müraciətimlə bizdə qayda-qanun yaratmasına kömək göstərməsini tələb edirəm”, - deyə Saakaşvili vurğulayıb.



tehsil-press.az