Azərbaycan Respublikasının Dövlət Müstəqilliyinin 25-ci il dönümündə Azərbaycan Gimnastika Federasiyası (AGF) öz işinə sevindirici xəbərlə başladı.

Azərbaycan Gimnastika Federasiyasından Tehsil-press.az-a verilən məlumata görə, Yaponiyanın paytaxtı Tokioda keçirilən Beynəlxalq Gimnastika Federasiyasının (FIG) seçki xarakterli 81-ci Konqresində alınmış qərara əsasən, həmin təşkilatın növbəti Konqresinin keçirilməsi ilk dəfə olaraq AGF-yə həvalə olunub.
2018-ci ilin 2-3 dekabr tarixində Bakıda təşkil olunacaq FIG-nin Ali Orqanı sayılan Konqresində sözügedən quruma üzv olan federasiyaların nümayəndələri və şura üzvləri iştirak edəcəklər. Xatırladaq ki, 2017-ci ildə paytaxtımız FIG-nin Şura İclasını da qəbul edəcək.

Tehsil-press.az