Bərdədə 5,1 bal gücündə zəlzələ baş verib.
Bu barədə Avropa Aralıq dənizi Seysmoloji Xidmətindən məlumat verilib.
Zəlzələ ocağı 10 km dərinlikdə yerləşib.
Yeraltı təkan güclü olduğu üçün Qərb, Şimal-qərb və Aran bölgəsində bir neçə rayonda hiss edilib.
Rəşad Fərzəliyev adlı sosial şəbəkə istifadəçisi zəlzələ anında çəkdiyi videonu paylaşıb:
AMEA Respublika Seysmoloji Xidmət Mərkəzindən bildirilib ki, yerli vaxtla saat 23:48-də Ağdam ərazisində 5,7 maqnituda zəlzələ qeydə alınıb.
Qurumdan bildirilib ki, zəlzələ episentrdə 6 bala yaxın, yaxın yaşayış məntəqələrində isə 5-3 bala qədər hiss olunub.
Zəlzələ ocağının 25 km dərinlikdə yerləşdiyi bildirilib.
***
Zəlzələ nəticəsində Ağdamda bəzi evlərdə çatlar yaranıb. Quzanlı qəsəbəsində elektrik transformatoru partlayıb və qəsəbədə bir çox ev işıqsız qalıb.