17 noyabr - Beynəlxalq Tələbə günü Azərbaycan Universitetində kitab aksiyası ilə qeyd edilib. Aksiya çərçivəsində dərs zamanı müəllimlər tərəfindən universitetin ictimai həyatında fəallıq nümayiş etdirən və yüksək nəticələrlə oxuyan tələbələrə kitab hədiyyə olunub.
Dərslərdə tələbələrə günün tarixi və təsis olunması ilə bağlı məlumat da çatdırılıb. Bildirilib ki, Beynəlxalq Tələbə günü Çexiyada 1939-cu ildə faşist qoşunlarının vəhşiliyinə məruz qalan tələbələrin edam olunmasının ehtiramla xatırlanması, xatirələrinin əbədiləşdirilməsi məqsədi ilə 1946-cı ildən bəri qeyd olunur.
Müəllimlər özəl gün münasibətilə tələbələri təbrik edib və onlara uğurlar arzulayıblar.

İctimaiyyətlə əlaqələr şöbəsi