Sumqayıt Regional Mədəniyyət İdarəsinin rəisi Mehman Şükürov Xızı rayon mədəniyyət müəssisələrində olub, kollektivlərlə görüş keçirib.
İdarə rəisi əvvəlcə musiqi məktəbində dərs prosesini yaxından izləyib, keçirilən dərslərin gedişatına nəzarət edərək öz münasibətini bildirib.
Daha sonra Mehman Şükürov Xızı rayon Heydər Əliyev Mərkəzində, C.Cabbarlının ev muzeyində və Mikayıl Müşfiq muzeyində, o cümlədən, Xızı rayon Mərkəzi kitabxanası və Giləzi qəsəbə Folklor klubunda olub, müəssisələrin fəaliyyəti ilə yaxından tanış olub.
Daha sonra Mehman Şükürov mədəniyyət müəssisələrinin kollektivlərinin iştirakı iıə toplantı keçirib.
İdarə rəisi onların problemləri ilə maraqlanıb, fikir və təkliflərini dinləyib, tapşırıqlarını verib.

Sumqayıt Regional Mədəniyyət İdarəsinin
Mətbuat xidməti